هاااااااااى يا جماعة
سورى على الغيبة الطويلة دى
كنت مشغولة بقا والامتحانات وكدة يعنى اكيد انتوا ادرى بالحالة دى
وبصراحة بقا
انا كنت نسيت ان ليا بلوج اصلا
بس دلوقتى كنت قاعدة وزهقانة ومش لاقية حاجة اعملها
قلت لما افتح الميل يمكن الاقى حد من صحابى اعد ارغى معاة شوية وانا فى الرغى الحمد لله ما اتوصاش
وملقيتش حد فاتح غير واحدة بس
مش عارفة هما راحوا فيين؟؟؟؟؟؟؟؟
وهى كمان مكانش فى حد فاتح عندها غير انا بس
وبكدة مكانش لينا الا بعض
واحنا بنتكلم وبنسال بعض عن الاخبار عاملة اية فى الاجازة
سالتنى سؤال فجاة وكان ان اية احلامى واتمنى يحصلى اية فى المستقبل ؟؟؟؟؟
انا عمرى ما قلت بقا انا بحلم بكذا او كذا بس لقيتنى جاوبت عليها بسرعة وشوفوا بقا انا قلتلها اية
انا بحلم ان انا اكون سعيدة جدا وبالى مرتاح
وان اكون مذيعة جامدة جدا وناجحة واشرف نفسى واهلى كمان
وبعد ما اخلص دراسة يتقدملى واد زى القمر جامد يعنى ويحبنى ويعرف يحس بيا ويخاف عليا ويقدرنى
واهم حاجة يكون مميز عشان لوهو عادى مفيش فية حاجة مميزة مش هتقبلة معلش اصل انا معقدة شوية؟؟؟؟؟؟؟؟؟
واتمنيت كمان ان اخويا يحقق كل اللى بيحلم بيةاصحابى كمان
واتمنيت كمان ان اى حد بيحلم باى حاجة يحققها
بس هو دة الكلام اللى رديت عليها بية
قعدت تضحك عليا وتقولى ان كلامى بسيط اوى
بس انا مش شايفة ان احلامى دى بسيطة وكمان مش سهلة
يالله ربنا يحققلى كل اللى انا بتمناة وكل امة المسلمين كمان
وانتواا كمان
ادعوا بقا وقولوا يارب
وخرجت صاحبتى فى نص الكلام فجاة تقريبا كدة النت فصل عندها
ورجعت تانى مش لاقية حاجة اعملها
المهم قعدت افكر اعمل اية ؟ اعمل اية؟
افتكرت البلوج
فتحتة وفرحت جدا بالناس اللى سالت عليا فى الفترة اللى فاتت دى ولاحظت ان انا مش بدخل
مكنتش اصلا متصورة ان ممكن الاقى صحاب او حد يهتم بيا او حتى يلاحظ وجودى على البلوج
بس لقيت والحمد لله
ومرسى اوى للى بالة طويل وقرا كل الكلام اللى انا كتبتة دة
بس بجد كنت زهقانة واول مرة اكتب الكلام اللى انا حاسة بية فى ساعتها كدة
وان شاء الله هدخل البلوج كتيييييير ومش هسيبة تانى ابدا
6 comments:
يارب يارب يا دودى يحققلك كل اللي بتحلمى بيه ويحقق لنا احلامنا كلنا
ياااااااااااااارب
welcome back ...
طيب
دودى
اولا حمد لله على السلامه
تانى حاجه
فينك فينك كتير جدا بجد انا مش مصدق ؟
عموما عودا حميدا ؟
مش قادر أقول عودا حميدا لأنك ماكتبتيش تقريبا من أربع شهور بس ياريت تفتكرينا قريب
وربنا يعينك على أحلامك
لأن اللي بيحرك الواحد هو حلمه مش حاجه تانيه
السلام عليكم
كيف الحال
اخبار الامتحانات ابه .. اتخرجتم ولا لسه .. واللي اتخرح اشتغل ولا لسه
سمعتوا عن مشروع تمكين الشباب .. المشروع عبارة عن برنامج تدريب على برامح تكنولوجية في مجال الشبكات والسكرتارية وال designing , و الcall center من شركات عالمية .. وفي نهاية البرنامج بيتقدم المتدرب لاجتيار امتحان وبيقدم في النهاية مشروع تخرج وبيخصص يوم لعرض المشاريع في يوم التوظيف أو )job fair وفيه يتم دعوة شركات دولية في مصر والشرق الاوسط لعرض فرص العمل المتاحة لديهم .
ايه الفرق ما بين الكورسات عامة والكورسات في البرنامج ده
_أسعار الكورسات مرتفعة جدا وده المشروع عالجه لأنك هتدفع تمن الامتحانات بس
_ممكن تكون واخد الكورس بسعر كويس بس مش في مكان معتمد أو مستوي دون المطلوب أما البرنامج بيدي كورسات معتمدة من سيسكو وصن وأدوبي واوتو ديسك
_المعظم بياخد كورسات لا تؤهله لعمل كاريير لنفسه )كورس من الشرق وكورس من الغرب* وبيلاقي نفسه بيعرف شيء عن كل شيء ومش بيعرف كل شيء عن شيء وده اللي المشروع تغلب عليه من خلال اسمها track
وهو عبارة عن مجموهة كورسات مرتبطة ببعشها البعض تقدر من خلالها تمارس عمل متكامل
_ معظم الكورسات نظري أما البرنامج فبيهدف الي ان تكون الدراسة فيه أكاديمية بمعني الدمج ما بين النظري والعملي
_كمان البرنامج بياهلك بأنك تطلع الي سوق العمل كامل ومتكامل بالاضافة الي الكورسات المتخصصة في مجال تكنولوجيا المعلومات والاتصالات كمان هتاخد كورسات تنمية بشرية
أدخل بقى علي اللينك ده وشوف التفاصيل http://ohnet.ofokngo.org/group/ey09
Post a Comment