تصوروا ان انا اعرف واحدة دايما تكلمنى باللهجة الخليجية
كيفك
اشلونك
ايش اخبارك
ايش بتسوى
وكلمات تانية كتير بس مش فاكراها
ولما سالتها اتكلمى مصرى قالتلى انها بتحب تتكلم خليجى
هو فى حد يحب يتكلم لغة غير لغة بلدة ؟؟؟
دة حتى كل اللهجات العربية سواء كويتية او سعودية او لبنانية او تونسية او اى ان كانت
بيتكلموا مصرى وبيحبوا يتكلموا مصرى
مش عارفة اقول اية بصراحة !!!!!!!!
كل اللى اقدر اقولة
تحيا مصر يا ناس
12 comments:
على الرغم أن الواحد كتير بينتقد أوضاع فى بلده مش عجباه بس مش معنى كده أنى أتنكر للغتى وللهجتى دة شىء طبعا غلط
كل واحد المفروض يتمسك بلغته ولهجته
مش عارفة بصراحة أفسر موقف اللى بتعمل كده بس فعلا حاجة غريبة
ههههههههههههههههه
مين دي يا بت انتي بتعرفي بنات من ورايا
والله اما اشوفك
بس انا عن نفسي بحب الهجه اللبنانيه والسوريه
بس مليش غير لهجة بلدي
انا مصري وابويا مصري وبخفة دمي مصري
طيب والله بجد بوست جميل وكلام اجمل....وانا بحي فيك مصريتك وحبك لمصر...وتحيا مصر تحيا مصر تحيا مصر
انا عندى واحدة صاحبتى بتحب واحد من السعودية وانا قاعدة معاهم فى بورسعيد المرة اللى فاتت دى كان كل اللى شاغلها انها عايزة تلبس عباية سودة وتكحل عينيها وترسمها زى الخليجين وانا كنت مدايقة اوى مبحبش الخليجين دووووووول خالص
السلام عليكم
نوع من انواع التغيير
بس حتلاقيها ترجع تاني للغتها الاصلية
لانها حتبقى زى اللي وقفوا على السلم
لا بتتكلم صح جدا زى لغة اهل البلد ولا بقت عارة تتكلم لغتها
سلاماتي
سلامو عليكو
بصي يا دودو
لو كان الكلام ده على سبيل الهزار اوك
كلنا بنتكلم انجليزي و فرنساوي و الماني بس هزار
اما لو مقضيها كده...انا ممكن اتنرفز
و ساعتها هاقول تحيا مصر
تحياتي
ممممممممممممممم
ناهيكي عن الوورد فريفيكيشن اللى بتجيبلي شلل فى ايديا وعينيا
بخصوص الموضوع بقي
انا برضه ليا واحد صاحبي بيحسسني انه من سلطنه عمان ولا حاجة بس عادي هو بيخنق بس علينا مش اكتر هو بيحب انه يخنق فبيستعمل الخليجي دا واحنا كمان ممكن نرد عليه بخليجي بس مش إتقانه الصراحة
بس انه شايفه عادي يعني انا ساعات اتكلم لبناني كام كلمة كدا كام واحدة سمعتها فى اغنية فيروز وواحدة من عند إليسا وشوية من ايام جيرانا اللبنانين فى السعودية زمان
بس عادي جاست لأجل التهريج لا اكثر ولا اقل
تحياتى
تشي
مرحبا دودا
الموضوع اللي بتتكلمي فيه حلو ومهم
بس أول مرة أشوف حد بيحب يتكلم خليجي
دايما الناس بتحاول تتكلم انجليزي علشان يبينوا نفسهم روشين أو يبانوا انهم هاي كلاس
ولا مثلا الناس اللي بتستخدم الفرانكواراب .. بيتكلموا عربي بس بحروف انجليزي منتهى الشلل
بصراحة
أنا عن نفسي بتكلم اللهجة العامية بتاعتنا ومش شايفة حاجة تخليني اتكلم لهجة غير لهجة بلدي
تحياتي ليكي ولمدونتك المتميزة
الانسانة دى دلدوله
ومنبهرة بالخليجين
ولو يتفهم هتعرف انهم مش الناس اللى تنيهر بيهم
او انها انسانة منظرتية بتحب تتمنظر وتفرد نفسها
حاسة بنقص وبتكمله باتقانها للخليجية
انا بقة بحب مصر
ابقى زورينى
لا يا دودا انا مش معاكي المره دي
هيا لغتنا كلنا واحده العربيه وبتختلف اللكنه واللهجه من دوله للتانيه
الدور والباقي بقي عالناس اللي تكتبلك الفرانكو عرب
اللي هو العربي الفانكي ده
حاجه تخنق والله
استفسار معلش
هيا صاحبتك دي مصريه وبتستهبل وعايشه دور الخليجيه؟؟؟
لو كده يبقي عندك حق مليون الميه
ما انتي سألتي سؤال وجاوبتي على نفسك
هو في حد بيحب يتكلم لغة غير بلده؟؟
مافيش
يبقى هي مش عليها عتب انها تتكلم خليجي
وكمان اللهجة الخليجية دي رخمة
مافيش احسن من اللهجة المصرية اة والله
احنا الأساس
احنا الي معلمين الخليجين اساس القراية والكتابة
GOD BLESS EGYPT
وسمعني سلام
عظيمة يامصر يا ارض اللوا
تحياتي لكي بالعطور الفرنسية
PEACE
Post a Comment