قاعدين فى الشارع بقالنا كتير
وحياتنا محتاجة تغير
الشارع زحمة زحمة وطوابير
نفسى اخلع من الدوشة واطير
والميكروبسات زى المجانين
كلاكس علينا من الشمال واليمين
وفى نص الشارع راكنين ويقاوح امال اروح فين
ياعم عميتنا بدخانك شوفلك بقا حل فى شكمانك
انت لسة واقف مكانك قوم يالله وغنى معانا
لازم بكرة يبقى احلى لو غيرنا شوية حياتنا التغير دة حاجة سهلة لو نفذنا وهندسنا
من الصبح فى مشاوير وبقالنا كتير ماشين
عنينا جات على القهوة لقينا ناس كتير قاعدين
قلنا نقعد نشرب حاجة بدل ما احنا عطشانين
لقينا كل الناس باصين متنحين
بيتفرجوا على الدش وبيلعبوا طاولة ومبسوطين
قلنا لهم انتوا مين
قالوا احنا الفاضين
بيوتنا زحمة واحنا منها هربانين
كان نفسنا نعمل حاجة بس مش عارفين
يمكن عشان انتم مش مركزين وفى الدنيا تايهين ومطنشين
هتفضل قاعد كدة وتعدى علينا السنين
لازم تحسبها صح وتفكر تفكير سليم
لازم بكرة يبقى احلى لو غيرنا شوية حياتنا التغير دة حاجة سهلة لو نفذنا وهندسنا
تانى ماشين فى الشارع بعد زحمة المرور
جمبنا مدرسة عيال بتنط من على السور
كلهم زوغوا بعد الطابور ومحدش فارقة معاة الغياب والحضور
والمدرسين والناظر كمان
عصيانهم اشكال والوان
اللى غايب عندة زكام
واللى تعب فى الفصل ونام
وسالت نفسى العيب عيب مين
الطلبة والا المدرسين
وعلى العموم ادينا ماشين الف ب ت ث ج
لازم بكرة يبقى احلى لو غيرنا شوية حياتنا التغير دة حاجة سهلة لو نفذنا وهندسنا
محروس كان عايز يخف جنابة لما ركنا عند حلاقة
ناس كتييير واقفين على بابة
اتارية عامل انقلاب
بيحلق لتلاتة بنفس الموس
فى نفس الوقت بيوفر فلوس
دة غير انة بينقل فيروس
لا انا محلقتش انا محظوظ
اية ياعم اللى انت بتعملة
انت مش عارف اللى بتنقلة
وانتوا ساكتين مش بتتكلموا
مش ناوين بقا تتعلموا وتتقدموا
جايين فى الشارع مفيش حد حوالينا
فجاة لقينا فرح جمبينا
بصينا على الكوشة اتخضينا
مش مصدقين اللى شايفاة عنينا
يالف نهار ابيض يا الف نهار مبروك
ابو العروسة مجوز بنتة لواحد قد ابوه
والبت فى اعدادية وكان نفسها تخش حقوق
طب وزنبة اية المولود اللى هيجيبوة
انت بتفكر تفكير قديم
لازم تدى للبنت فرصة زى الولد فى التعليم
لما تكبر يمكن تقدر تعمل انجاز عظيم
لازم بكرة يبقى احلى لو غيرنا شوية حياتنا
التغير دة حاجة سهلة لو نفذنا وهندسنا
6 comments:
انا بحب فريق ام تي ام
لان اغانيهم جميلة ومختلفة وبجد هادفة جدا
بحيكي على اختيارك يا دودة
لازم بكرة يبقى احلى لو غيرنا شوية حياتنا التغير دة حاجة سهلة لو نفذنا وهندسنا
انا اعتقد انى التغيير هو بجد سر السعادة
فى حاجتين بس اللى متغيروش من اول لما اتولدت
هما بيتنا
والريس اكيد
بس بجد فعهلا لو غيرنا من حياتنا
هيبقى كل شىء جميل
لازم بكرة يبقى احلى لو غيرنا شوية حياتنا التغير دة حاجة سهلة لو نفذنا وهندسنا
ياسلام يا سلام حلوة قوى
ايوة ايوة اضحكى على نفسك قولى بقا انتى عملتى اية فى التغير دا يابت هيغيرو ازاى يعنى؟ الناس قاعدة على القهورة مش لاقين شغل عيزاهم يغيرو هدومهم والا بدل القهوة يقعدو فى كافى نضيف؟ هههههههههههههههههههههههه
استاذتى الجليله اتمنى ان أكون ضيف خفيف على سيادتك وأحب اقولك انى اكتر حد بحبه هو مصر أكتر من حبيبتى وأكتر من أبويه وكمان أمى وكمان أكتر من نفسى تعرفى ليه؟ لأنى كده بحب حوالى تمانين مليون وفوقهم حوالى خمستاشر ألف بنى آدم بره مصر (دول طبعا اللى اعرفهم من بلدنا)يعنى من الآخر بحبها موووووووووت واعتقد انك بتشاركينى رأيى صح؟ اتمنى زيارتى وابداء الرأى....تحياتى عزيزتى
اخوك
المصـــــــــــــــرى
دا عند امه يا ادهم سوري يعني
والله يا دودا الكلام سهل وجميل بس الواقع صعب ومرير
كلنا بنحلم ببكره احلي بس للاسف كل يوم حلمنا بيطلع كابوس
لنا الله توب علينا بقي يارب
Post a Comment